नाशिक : नाशिक जिल्हातील मालेगावात दुर्देवी घटना समोर आली आहे. मालेगाव शहरातील डीके कॉर्नर भागात एका भाजप कार्यकर्त्याने आपल्या पत्नीसह आत्महत्या करत आपली जीवनयात्रा संपवली आहे. मंगळवारी (१० जानेवारी) रात्री हा प्रकार घडला. पंकज दिगंबर बिरारी (वय ४०) व रेणुका पंकज बिरारी (वय ३५) असे दाम्पत्याचे नाव आहे.NASHIK Suicide BJP
हि दुर्दैवी घटना घडली त्यावेळी घरात कोणी नव्हते त्यामुळे उशिरा हा प्रकार लक्षात आला. पोलिसांकडून मिळालेल्या माहितीनुसार, पंकज भाजपाचा धडाडीचा असा सक्रीय कार्यकर्ता होता. मात्र अजूनतरी दाम्पत्याच्या आत्महत्येचे कारण समजू शकले नाही.मात्र प्रथमिक अंदाजानुसार कर्जबाजारीपणाला तसेच खासगी कंपनीने लावलेल्या तगाद्यामुळे त्यांनी आत्महत्या केली असावी, अशी नागरिकांमध्ये चर्चा आहे.
या प्रकरणात पंकज ने आत्महत्या करण्यापूर्वी चिठ्ठी लिहून ठेवल्याचे असे समजते आहे. दरम्यान, या घटनेची माहिती मिळताच पोलिस उपअधीक्षक प्रदीपकुमार जाधव, कॅम्प पोलीस ठाण्याचे सहायक पोलिस निरीक्षक प्रकाश काळे सहकाऱ्यांसह तातडीने घटनास्थळी दाखल झाले. पोलिसांनी पंचनामा करत घटनेची माहिती घेतली असून तपास सुरु केला आहे.
पोलिसांनी प्रमोद आणि त्यांच्या पत्नीचा मृतदेह ताब्यात घेतला असून पुढील कारवाई साठी शवविच्छेदनासाठी तो सामान्य रुग्णालयात पाठविण्यात आले आहेत. याप्रकरणी रात्री उशिरापर्यंत किंवा उद्या या प्रकरणी गुन्हा दाखल होईल असे पोलिसांनी सांगितले. अचानक प्रमोद याने पत्नीसह आत्महत्या केल्याने परिसरातून हळहळ व्यक्त केली जात आहे.NASHIK Suicide BJP
